شعر ترکی همدان درباره روستائیان درگزین
یازار : همدانلی
+0 بگن
یک شعر ترکی از نصرالله خان فانی در باره زندگی روستائیان درگزین همدان (رزن - قروه - فامنین- دمق)
نو بهار اولدی آچولدی گنه چوللرده چیچک
هابولوت سسلدی اولده منیمدور گوبَلَک
سِرچه لر چک چک ایله سالوللا باغلاردا لووا
قارقا قاردان ساری چون یوخدی قوروت یر قوردک
حاج لیلک لریموز چیخدیله پروازه تمام
قیرجانا قیرجانا یان یان یریور قاز اوردک
قازالاقلار هره بیر یرده سالوبلار لانه
ساق ساقان قویروقونا باغلادی بیر جه دوگجک
گور سیقیرچین چکوری شاخ صنوبرده نوا
قاشلارون وسمه لیوب ککلیگ ایدوب یاخشی بزک
اوت بیتوب چولده چمنلرده اولوب چشمه روان
چیخدی او نازلو ناخورچی گنه الده دگنگ
کند دلبرلری چیخدی قیشین آستان شادان
وردولار ناز ایله نازک کمره ییرتیق اتک
بیریسی قلبیری گوتدی چوله گیتدی اودونا
بیریسی چمرله نوب ایسلادی ایوینده تزک
جمع ایدوب کلفتنی کرمه نی سردی گونیه
بیریسی دامدا سروب چوخلو قییخ گوزلری تک
بیری اششک دالو یاغلار بیری طوله سوپورور
بیری جام الده دوتوب رنگ ایچی ماللاردان ایشک
بیریسی یوخدو بیزوچی یایوری چولده بیزو
بیریسی یوخدی ساقونچی ساقوری کندده اینک
بیری خامه اگیرور گونده آلور ایکی شاهی
بیری یورقان سیریور گونده ییر بیرجه چورک
بیری آشغاله گیدوبدور گلی دالدا کوله بار
بیری صحرایه چیخوب شامیچی درمیش یملک
بیری ایگ الده دگیرمانه داقارجوخ دالدا
بیری ایپ بیلده کلنگ الده و دالوندا ورک
بیریسی دامدا گونیده یامورو پالتارونو
بیریسی لیفته سینی بیتلیری یانوندا کوپک
بیری آسموش قازانو شامیچو یونجا پیشرور
بیری یاتموش یوخودا بلکه گوره تازه چورک
بیریسی آجدو زبس ایرته لیدن کرمه یاپوپ
بیرسی توخدو یاتوب بسکه ییوب دادلو کتک
ایشیدوبلر که ایاق قابی وار عالمده ولی
اوزینو گورمیوب آدینی قویوبلار دوستک
بیریسی داغلیوب و باغلوری داب بانی چاتون
بیریسی زینت ایچون باشه سالور کهنه لچک
بیری وورموش اری سینمیش باشی قانی توکولور
قویوب اورتالوقا شیطان تورودان بیر کولچک
جمع اولوب قازیاقی درماقه گیدوللر قیزلر
هره سی بیر بیر ایله ایلیری بیر نوع هنک
بیری اوینار بیری ییرلر بیریسی معلق اوچار
استخوانلار قیزار اول دم که چالوللار کله نک
تقدیم اولسون کندین پاک اینسانلارونا
روح این شاعر بزرگ شاد.